logo2-1

“O‘zvagonta’mir”AJ, uning tarkibiy bo‘linmalari yarim asrlik tarixga ega bo‘lsada, yangi tuzilmada o‘n sakkiz yildan beri faoliyat yuritadi. Mazkur rejada jamiyatimizning 2022 yilda daromadlarning o‘sishini ta’minlash maqsadida potentsial mijozlarni jalb qilish bo‘yicha ishlarini davom ettirish haqida so‘z yuritiladi va biznesni kengaytirishning asosiy vazifalari belgilab beriladi. Jamiyatning kundalik ishi jamiyatning o‘z mablag‘lari hisobidan ta’minlanadi.

  1. Bugungi kunga kelib respublikada investitsiya faoliyatiga poydevor qo‘yish uchun qulay iqtisodiy va siyosiy sharoitlar yaratilgan. “O‘zvagonta’mir” AJ bozor islohotlarini amalga oshirishda oldinga intilish imkoniyatlari yaratildi.
  2. Bugungi kunda aksiyadorlik jamiyatlari va aksiyadorlarning huquqlarini himoya qilish to‘g‘risida aniq ishlovchi qonun mavjud, qimmatli qog‘ozlar to‘g‘risidagi qonunchilik takomillashtirildi. Endi faoliyat davlat va xususiy sektor muassasalari tomonidan tegishli me’yorlarni qo‘llash va ularga amal qilishni ta’minlashga bog‘liq.
  3. “O‘zvagonta’mir” AJ shunday zarur bo‘lgan parametrlarga egaki, ularning asosida biznes hamkor va potensial investor hamkorning ishonchliligi, unga bo‘lgan ishonch haqida o‘z taassurotini shakllantiradi, ya‘ni:

– ilg‘orlik;

– kerakli miqdordagi resurslarning mavjudligi;

– muammoni hal qilishga ijodiy yondashish;

– sohaning etakchilaridan biri;

– murakkab muammolarni hal qilish qobiliyati;

– xizmatlar sifatini yaxshilashga intilish;

– ishonchlilik;

– keng bilimga egalik.

“O‘zvagonta’mir” aksiyadorlik jamiyati O‘zbekiston Respublikasi Vazirlar Mahkamasining 2002 yil 5 noyabrdagi 378-sonli qarori va O‘zbekiston Respublikasi Davlat mulk qo‘mitasining 2002 yil 28 iyundagi 184 KPO-sonli va 2002 yil 29 noyabrdagi
124-P-sonli buyrug‘iga muvofiq O‘zbekiston Respublikasi Vazirlar Mahkamasining 2001 yil 3 martdagi 108-sonli qaroriga binoan tashkil etilgan “O‘ZVAGONTA’MIR” yuk vagonlarini ta’mirlash unitar korxonasidan vagon xo‘jaligi korxonalarini birlashtirish orqali qayta tuzilgan.

Jamiyat 2003 yil 1-yanvardan boshlab aksiyadorlik jamiyati sifatida faoliyat yuritadi.

94